Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Cantares


INFORMACIÓN

Título:Cantares
Disco:CEF na voz de Suso Vaamonde (1980)
Letra:Celso Emilio Ferreiro
Música:Suso Vaamonde
Voz:Suso Vaamonde

ESCOITAR / DESCARGAR

CARÁTULA DO DISCO

Porque o amor faime cantar
cántoche nena este son.
Cántame a min ti, querida,
con amor págame amor.
Canta ti, cantarei eu,
dous cantares, nunha voz
que nesta nosa regueifa
ninguén vai ser perdedor.
Xura polos santos todos
co teu amor será eterno,
pois pra min o teu querer
é coma o sol para inverno.
Eu por ela, ela por min,
amor tolo, toleirón,
que nos tes entolecidos
e sin entrar en razón.
O amor non quer consellos
nin pode sofrir demoras.
Cando o amor é verdadeiro
nunca xamais di; abonda.
Amor tolo, toleirón,
nun tolo rodar sin fin.
Que nos tes entolecidos
eu por ela, ela por min.

Tamén aparece en:

Menceres

Para facer unha nova busca, preme aquí.